رأس السنة December 31, 2008

كالعادة في ليلة رأس السنة اللي عايز يعمل حاجة بيعملها

يعني اغلب الناس هاتقضديها يا مخدرات يا شرب يا بنات

ما هي دي طقوس وقفة اي مناسبة في البلد

بس هل السنة دي الناس برضه ايبقى عندها  (نفس) تعمل حاجة

يعنى هل عندها استعداد تنزل تشرب و تسكر و اخر الليل يدور على حضن اي واحدة

بعد ما كان الصبح بيتفرج على الاخبار و شاف اعلان الحرب على غزة بيذاع من القاهرة

و بعديها شاف صور الشهدا

هل لسه هاينزل يعمل كده

الاجابة و بدون تفكير

نعم …. طبعا هايعمل كده

ده يمكن المرة دي كمان يكون اكتر

ما هو بيعملها ليه اصلان؟؟؟

علشان ينسى يا باشا

ما هو لو كان لقى تعليم صح كان عرف يفكر ان الوضع ده ما ينفعشي

ما هو لو كان ليه شغل ماكنشي هايسهر يسكر

ماهو لو كانت البلد موفرالوا اي نشاط كان ممكن يعمله بدل المخدرات كان عمله

لو كانت الدولة سمحتله يروح يساعد اخواته حتى بأزازة ميه كان راح و متأخرش

بس الدولة شغلاه في حوار تاني

شغلاه مثلا في ماتش الاهلي و الاسماعيلي و الحرب المتوقعة بين جمهور الفريقين

شغلاه بمليون حفلة تقام في مدينة الليل

شغلاه بأبو تريكة هايرحل ولا لأ

و عمرو هاينزل البومه امتى

و مليون هاجة تافهة كل حاجة فيه اتفه من اللي قبليها

انا مش عارف انزل الشارع اتكلم حتى و انا بإيدي جنبي و مابعملش مشاكل

مش عارف اعدي الناحية التانية انشالله اقف على السور اصقفلهم و اشجعهم

شايف حالي و حال البلد بقه كده و مش قادر ارفع ايدي و اقول

لو سمحتم كده غلط

مش قلتلكم ان الناس هاتستمر في عادات راس السنة

انا عايز اخد مخدرات و اشرب لحد ما اتعمي

صحيح اني ما بشربش

بس عايز اي حاجة تعميني

الاعمى هايسمع بس مش هايشوف

والشوف في البلد دي بيقتل الروح

بيقتل اي حاجة انسانية جواك

بس مهما قلت عن ظروف البلد هايفضل الحل في ايدينا

اللي عايز يتكلم هايتكلم

واللي عايز يتحرك هايتحرك

اه المخدرات و السكر و البنات بتعملك دماغ حلوه

بس دماغ الحرية من اللي قاتلنا جوانا احلى بكتير

دماغ جامدة كييييييييييييييييييييييييييييييييك

اليونان December 11, 2008

اليونان
و يا عيني على اليونان
و علي بيحصل في اليونان

و رجالة اليونان

و ستات اليونان

واطفال اليونان

شفتوا اليونان

شفتوا ناس اليونان

شفتوا شعب اليونان

زهقتوا من كتر ما قلت اليونان

طيب

مش عارف اقول ايه غير اليونان اليونان

نفسي تحسوا زي اليونان

و تتكلموا زي اليونان

و تاخدوا حقكم زي اليونان

و تعاملوا الكلاب هنا زي ما عاملوهم في اليونان

وتصمموا انهم يتحاكموا زي ما هايحاكموهم في اليونان

وتغيروا الحكومة زي ما هايشيلوها في اليونان

حسوا بقه زي ما بيحسوا في اليونان

نفسي بس نبقى على الاقل في نخوة ناس اليونان

و اخيرا

سلام لليونان

انا مش بتاعتك December 1, 2008

بكره العيد الوطني للامارات

كل الناس واخدة اجازة بكره

الاحتافالات مالية الشوارع

من شوية كنت بتفرج على استعراضات في الشارع

من كل بلاد الدنيا فرق شعبية

بترقص و الناس بتصقف

كانوا بيوزعوا اعلام البلد ببلاش

و بكميات كبيرة

لما البنت اللي بتوزع جت تديني علم

رفضت بحركة من ايدي و ابتسامة بسيطة

هي استغربت بس انا سبتها و مشيت

ماكنتش قادر اقولها اني مش متعود اشيل او ارفع علم بلد تانية غير بلدي

حتى لو كان مجاملة

لاحظت ان مصريين كتير قوي شايلين الاعلام و فرحانين جدا كأنه عيد الوطني لمصر

اللي بالمناسبة انا ماعرفش هو امتى

عرفتهم بالحاسة الغريبة اللي موجودة عند كل المصريين

بتخليكك تعرف الشخص اللي قدامك ده مصري ولا لأ مهما كانت ملامحه مختلفة عنا

بس سالت نفسي

هل فرحت الناس دي- المصريين –  محاولة للهروب من واقع بلدهم الاليم

يعني مثلا انا افتح التلفزيون على قناة دبي اشوف افتتاح فندق في جزيرة النخلة

اتكلف 20 مليون دولار,,الالعاب النارية و الافتتاح من ابهاره كان ممكن تشوفه من الفضاء

انا نفسي مع اني شفت افتتاحات كتيرة زي الالمبياد اومهراجانات و حضرتها بنفسي

بس عمري ما شفت زي ده .. فما بالك بواحد غلبان من قرية في الصعيد مثلا شافه

في نفس الوقت اللي نقلب فيه القناة على قناة مصرية

تلاقي المذيع بكل قوة يعلن ان رئيس الوزراء امر بفصل انتاج الخبز عن التوزيع

بتوجيهات من الرئيس مبارك حفظه الله

و تلاقي طول اليوم الشريط الاخباري في القنوات المصرية قاعدة تفصل و تهلل للقرار العظيم اللي هايحل ازمة مصر

و القنوات الخاصة كل ما يشوفها يلاقي مصيبة حصلت في البلد

ما بين الناس بتتقتل على يد سيادة الضباط اللي فرحانين بسلاحهم الميري

يا لإما حريقة يا حادثة يا إما اي خبر اسود

طبعا المصري ده هايقلب على قناة دبي

علشان يشوف اكبر افتتاح في العالم و اكبر مطار في العالم و اكبر بناية في العالم و اكبر مول في العالم

و الدنيا زي الفل و الحياة وردية

انا مابقلش ان هنا احسن مكان في العالم

بس الغلبان اللي بايعله قراطين علشان يهرب من الظلم و القرف اللي في بلده

هايكون رد فعله ايه

ماهو كل شوية هايبدأ يبعد بعقله و قلبه عن البلد

و يبدأ بحاول يعمل انتماء للبلد الجديدة اللي هو فيها

بس المصيبة الاكبر في اولاده

اللي هايبدؤا يحيوا علم البلد دي في مدارسهم

و يبدأ يكون ولأهم كله للبلد دي

و مش هايهتموا ببلد (ابوهم) المقرفة المتخلفة اللي كلها مصايب و كوارث

هيحبوا الراحة و النضافة والتقدم اللي البلاد اللي هما فيها رايحاله

و في الخر هاشفهم في الشارع رافعين علم بلد تانية و فرحانين بعيدها

و ناسيين مصر و ناسها و مأسيها

لأن مصر بعدت ابوهم و قالتله انا مش عايزاك

شوف رزقك في حته تانيه

انا مش بتاعتك

ولا حد November 29, 2008

على اليمين تحت مكتوب كونتاكتس

 

اعيد مع ناس كتير… المفروض انهم اصحابي

 

مكان جديد

 

وائل كان معايا بنشتري حاجات

 

قام قالي … الناس خارجة . تيجي

 

وصلنا المكان , كله عربيات فخمة جدا , زي ما بيقولوا علية القوم تأتي هنا

 

اجناس من كل حتة في الدنيا

 

اللي بياكل و اللي بيشرب و اللي مع صاحبتوا و اللي جاي يدور على وحدة

 

اعدتنا كانت عائلية شوية

 

كله قاعد يتكلم و يضحك

 

فجاءة الصوت قطع عندي

 

كنت شايف بس

 

بس احساسي قطع من الناس اللي حواليا

 

شايف الناس بتتكلم و تتحرك بسرعة بطيئة

 

الحياة عندي سلو موشن من غير صوت

 

زي فلم ابيض و اسود

 

بس الالوان فيه موجدة بس باهتة

 

حسيت بوحدة رهيبة

 

جات عيني على كلمة كونتاكتس

 

كونت هاموت و اكلم حبيبتي

 

صاحبي

 

حد قريب مني

 

دورت

 

250 رقم

 

مافيش

 

ماحدش

 

مالقتش حد اكلمه

 

اقوله هاي حتى

 

ايه ياعم ,,, انت فين

 

فجاءة رجع الصوت

 

لا مافيش ,,, جاتلي رسالة كنت باشفها

 

رجعت اتعامل معاهم

 

و انا بقول لنفسي

 

فعلا حياتك هايلة

 

ولا حد خالص؟؟؟؟

قضيتين جداد November 18, 2008

صدق النائب العام أمس على بلاغين تقدمت بهما جمعية المساعدة القانونية لحقوق الانسان،

 

بشأن واقعتى تعذيب فى دمياط وحدائق القبة

كل التفاصيل عند

التعذيب في مصر

شركة مصر العربية المتحدة November 11, 2008

كل واحد ليه 2 جنيه

………………………………..

كل ما اسمع الهبل بتاع بيع البلد ده اتجن

 

والمصريين هنا معايا مش فاهمين ايه اللي بيحصل

 

طب وهو انا لو بعت الاسهم بتاعتي

 

هايسحبوا مني الجنسية ولا ايه؟

 

طب ينفع اخد بيهم كشك عند الهرم على رأي واحد صاحبي

 

طب لو البورصة وقعت

 

الناس هاتفلس

 

و هايحجزوا علينا

 

طب انا ممكن ابيع نصيبي فالبلد للاجانب

 

وياخدوا الجنسية

 

طب هو فيه حد في الدنيا بيعمل كدة

 

طب البلد بعد كده هايبقى اسمها ايه

 

شركة مصر العربية المتحدة

 و الريس هايكون رئيس مجلس الادارة

اهو كام سؤال بيجي على بالي

 

و ياريت حد يجاوبني

 

……………

 

عواد باع ارضه .. ياولااااااد

 

شوفوا طولة و عرضه .. ياولااااااااد

Clearly, zeez two can only be Egybtian! November 9, 2008

جالي الميل ده

و عجبني فيه اخر سطرين قوي

اصل هو ده حال اغلب البلد

موهومين

……………………………………

Adam & Eve in Paradise!

A German, a Frenchman and a Egyptian went to an art museum.They were standing in front of the painting of

Adam and Eve in the Garden of Eden
The German said:’They have perfect body and muscles. They must be German!’
The Frenchman said:’C'est Impossible! They are so sexy. She so feminine, He’s so masculine…They must be French!’
Finally the Egyptian said:’La ya habibi… they don’t have clozez… Zey don’t have shoezez…and they don’t even have home.

All zey have is ONE abbel to eat

And to tob it all zey STILL sink zey are in Heaven

Clearly, zeez two can only be Egybtian!

زنازين وزارة البيئة October 13, 2008

انا برضه معرفش الصورة دي متفبركة ولا لأبس يا وزارة -البيئة- انا بطلب تحقيق

اظن مفتش البيئة باين في الصورة

و المساجين كمان

اظن الناس دول هما اللي حرقوا قش الرز

و تسببوا في السحابة السوداء

فا بما ان العقاب من جنس العمل

فا انتوا بتحاولوا تموتوهم خنقا

………………..

الصورة من

 

 

الوعي المصري

Bring Epitaph back October 13, 2008

We are a group of Egyptian bloggers really bothered by the blockage of the two-year-old blog “Epitaph_87″ ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008.She has sent you her problem and requests on Google Help Center and Blogger Support, but in vain.We wish that you’d help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!

Just for notice, we have published this problem on our blogs

greetings

demaghmak’s blog

النكاح في شوال October 13, 2008

جالى النهاردة الميل ده من حيث لا احتسب

…………………

هل ما يقوله الناس في ترك الزواج في شهر شوال صحيح ؟

الحمد لله قال ابن منظور : ( وشوال : من أسماء الشهور معروف, اسم الشهر الذي يلي رمضان , وهو أول أشهر الحج ) . قيل : سمي بتشويل لبن الإبل , وهو توليه وإدباره , وكذلك حال الإبل في اشتداد الحر وانقطاع الرطب… وكانت العرب تطير من عقد المناكح فيه , وتقول : إن المنكوحة تمتنع من ناكحها كما تمتنع طروقة الجمل إذا لقحت وشالت بذنبها , فأبطل النبي صلى الله عليه وسلم طيرتهم , وقالت عائشة رضي الله عنها : ( تزوجني رسول الله صلى الله عليه وسلم في شوال , وبنى بي في شوال , فأي نساءه كان أحظى عنده مني ؟ ). رواه أحمد في مسنده (6/54) واللفظ له. ورواه مسلم في صحيحه (2/1039) كتاب النكاح, حديث رقم (1423). ورواه الترمذي في سننه (2/277) أبواب النكاح, حديث رقم (1099), وقال : هذا حديث حسن صحيح. ورواه النسائي في سننه (6/70) كتاب النكاح, باب التزويج في شوال. ورواه ابن ماجة في سننه (1/641) كتاب النكاح, حديث رقم (1990). ا. هـ (لسان العرب 11/277 مادة شوال) فالسبب الذي جعل العرب في الجاهلية يتشاءمون من الزواج في شهر شوال : هو اعتقادهم أن المرأة تمتنع من زوجها كامتناع الناقة التي شولت بذنبها بعد اللقاح من الجمل . قال ابن كثير رحمه الله : ( وفي دخوله صلى الله عليه وسلم بعائشة رضي الله عنها في شوال ردّ لما يتوهمه بعض الناس من كراهية الدخول بين العيدين خشية المفارقة بين الزوجين , وهذا ليس بشيء.) ا.هـ. البداية والنهاية (3/253). فالتشاؤم من الزواج في شهر شوال أمرُ باطلُ , لأن التشاؤم عموماً من الطيرة التي نهى النبي صلى الله عليه وسلم عنها بقوله : ( لا عدوى ولا طيرة ) شرح صحيح مسلم النووي (14/218,219). وقال عليه السلام : ( الطيرة شركُ) رواه الإمام أحمد في مسنده (1/440). ورواه أبو داود في سننه (4/230) كتاب الطب. حديث رقم (3910). ورواه الترمذي في سننه (3/84, 85) أبواب السير, حديث رقم (1663), وقال : حديث حسن صحيح. ورواه ابن ماجة في سننه (2/1170) كتاب الطب, حديث رقم (3538). ورواه الحاكم في المستدرك (1/ 17, 18) كتاب الإيمان, وقال حديث صحيح سنده, ثقات رواته ولم يخرجاه, ووافقه الذهبي في تلخيصه. قال النووي رحمه الله في شرحه لحديث عائشة رضي الله عنها : ( فيه استحباب التزويج والتزوج والدخول في شوال , وقد نصَّ أصحابنا على استحبابه , واستدلوا بهذا الحديث . وقصدت عائشة بهذا الكلام رد ما كانت الجاهلية عليه , وما يتخيله بعض العوام اليوم من كراهة التزوج والتزويج والدخول في شوال , وهذا باطل لا أصل له , وهو من آثار الجاهلية , كانوا يتطيرون بذلك لما في اسم شوال من الإشالة والرفع ….). شرح صحيح مسلم للنووي ( 9/209) ا.هـ.
البدع الحولية
للشيخ عبد الله بن عبد العزيز بن أحمد التويجريص/348 – 34

………………………………………….

يا اولاد الق*** ايه العبط ده؟؟

ومين اصلا مهتم ولا عمره فكر انه لو نكح في شوال هاينفع ولا لأ

هو الحياة فاضية قوي عندكم كده

مافيش يا مع**** حد فيكم بيتكلم عل نكاح البلد فينا ليه

كل واحد فيكم شايل بتاعه في دماغه و ماشي بيه و خلاص

كفاية نكاح في دماغنا بقى والنبي و سيبونا في حالنا

دوروا على مصلحة البلد مرة في حياتكم

اكتبوا عن مشاكل البلد و مشاكل الناس

مش النكاح في شوال؟

بعد كده الاقي ميل بقى بيتكلم عن البوس في ذي القعدة

عيب عليكم بقى و اتلموا شويه

كل مرة ارجع اقول كلمتي المشهورة

احه فعلا