بقالنا 3 سنين بنتسمم September 1, 2009
من شهرين كده تم اكتشاف ان فيه شحنة قمح فاسدة دخلت البلد
و الاعلام و الحكومة قامت ولسه ماقعدتش عشان تحارب الفساد ده
و تم ارجاع القمح الفاسد الى مصدره
قوووووم ايه تيجيلي العصفورة معاها سي دي عليه تسجيل صوتي
لرئيس مجلس ادارة مطاحن مصر العليا في اسوان
في اجتماع ليه مع العمال
بيقر فيه انهم بقالهم 3 سنين بيستعملوا قمح اوكراني فاسد
و انه يا عيني عليه عارف ان الغلة دي مضرة و بتجيب امراض
بس مش هو اللي جايبها , دي وزارة التموين , يبقى هو هايتكلم ازاي معاهم؟
و المشكلة انه بيتكلم عن الموضوع بمنتهى البساطة و ان مافيش حاجة في ايديه يعملها
المصيبة التانية بقه ان اعضاء نقابة العمال دول هناك اغلبهم من قرايب السيد رئيس مجلس الادارة
و العمال دول المفروض ليهم حصة تموينية من دقيق المصنع بتاعهم
و هي 4 اشولة لكل عامل متزوج و عنده اطفال
و تقريبا شوالين لكل عازب
و الناس دي ايها السادة المستمعين
بتاخد بس شوال واحد
و 3 اشولة الباقين بيتباعوا لحساب السادة اعضاء مجلس النقابة في السوق السودة
و نيجي للي بعده
من 1/4/1996 العمال دي مش بتاخد البدالات بتاعتها و هي :
1- بدلات طبيعة العمل
2- بدل نقدي
3- بدل عدوى
4- بدل ورادي
زائد انهم ما بيصرفوش إلا 15 % من ساعات العمل الاضافي مع انهم بيشتغلوا في الاجازات و الاعياد و ايام الجمعة و العطلات الرسمية
و البدلات دي كلها بتنضاف على ارباح الشركة
الشركة اللي في مصيبتها الرابعة قللت حوافز العمال بصورة كبيرة
و اعطت و لأول مرة في العالم للعاملين الاداريين في المصانع حوافز اكبر من العمال
مع ان العمال في كل حتة في العالم بياخدوا اكتر من الاعمال الادارية لإنهم هم اللي بيعملوا كل الشغل بإديهم
بس ازاي عندنا هنا حاجة تانية
الاعمال الادارية تاخد حوافز اكتر من العمال من ارباح الشركة اللى اصلا زادت علشان العمال لا بتاخد بدلات ولا حوافز
كله ده علشان سبب واحد بس
خمن معايا كده !!! تخمينك صح
اصل نص العاملين في الاعمال الادارية من قرايب السيد رئيس مجلس الادارة بالمالخالفة لكل القوانين و الاعراف
علشان كده ارباح 2008 وصلت 39,201,654 بدل من 37.430.164 في 2007 علشان الحبايب يتهنوا
لأن كل م الارباح زادت الحوافز بتزيد
الحوافز اللي بتروح للأداريين بس بدل من العمال اللي عملوها
و بعديها يجي السيد رئيس مجلس الادارة يقولك في الجرايد ان متوسط مرتب العاملين عنده 15000 في السنة زي ما قال في جريدة الجمهورية.
مع ان فيه شهادات مفردات مرتب معانا بتقول ان المتوسط تقريبا 5000 جنيه في السنة و ان الشهادات دي متسجل فيها انهم مش بياخدوا لا حوافز ولا بدلات و لا حتى كوباية شاي.
يا جماعة الناس دي بتصرخ من بعيد و احنا مش سامعين
الناس عايزة تقولنا انا بناكل اكل مسمم بقالنا 3 سنين بعلم وزارة التموين
الناس دي عايزة تقولنا انها بقالها 13 سنة بيتسرق تعبها
الحقوا الناس دي او حتى الحقوا نفسكم
***************************
دي لنكات التغطيات الفقيرة للموضوع مفيش حد فيهم جاب سيرة القمح الفاسد
بس دلوقتي يه تسجيل صوتي هاتسمعوه
اللهجة صعبة شوية بس لو ركزتوا هاتفهموا
هم بيسموا القمح (الغلة) و الفلاحين زيي هايفهموا
http://www.youm7.com/News.asp?NewsID=106676
http://www.ikhwanonline.com/Article.asp?ArtID=49663&SecID=0
http://www.youm7.com/News.asp?NewsID=94041
http://www.e-socialists.net/node/3554
حمدنا .. و الحمد على الله .. رزقنا .. و الرزق على الله August 20, 2009
بغلاف ليس له من مثيل
و كعادتنا في بلوجنا
نلقي الضوء على هذا الغلاف
………………………………….
المانشيت :
عملية مصرية ناجحة في قلب البيت الابيض
و بعيدا عن جموديت المانشيت و الاستعارة المكنية ان البيت الابيض له قلب و قد قام سيادة الرئيس الجراح بعملية به, سألنا الاستاذ اللمبي عن تعليقه على هذا الموضوع فـأجاب: هو حضرتك الظابط اللي قمت بالعملية؟؟؟
……………..
العنوان الاول :
مبارك يطلب من اوباما دولة فلسطينية ذات حدود مستدامة
وقد ابلغنا مراسلنا ي البيت الابيض ان الرئيس اوباما بعت واحد يجيب لمبارك دولة فلسطينية ذات حدود مستدامة من السوبرماركت اللي في اول الشارع و قد اوصاه بزيادة الطحينة تقديرا لمكانة الضيف الكبير
…………..
العنوان الثاني :
اللوبي اليهودي يستسلم لصراحة الرئيس في لقاء الفورسيزونز
و كان واحد لوبي يهودي قد استسلم لسيادة الرئيس و قلعله اللباس وقله مش قادر امسك نفسي , ظبطني كمان و كمان يا مزززز, وكان اخر ( واحد لوبي تاني يعني ) قد اجهش بالبكاء من جو الصراحة الفظيع واعترف لسيادة الرئيس انه خان زوجته مع امراءة اخرى و لم يعترف لزوجته حتى الان فنصحه حكيم الزمان السيد الرئيس ان يستقيم و يبطل لعب بديله فاضجت القاعة بالتصفيق
………….
العنوان الثالث :
مبارك لأوباما: انا رئيس منتخب وفق برنامج اصلاحي
اوباما لمبارك : احاااااااااااااا ماعرفتكش انا بقاااااااااااااااااااااااااااااااااا
…………
العنوان الرابع :
انكسار حاد لجماعة سعد و مظاهرات العلماء المصريين تدهش المراقبين
وكان سعد الصغير في بيان ارسله الى وكالات الانباء قد تبراء من نفسه و قال ان اخيه عبد الباسط حمودة قد استوحى اغنية ( انا مش عارفني .. انا تهت منى) من وحي قصته هذه التي لم يغفر فيها لنفسه قط مهاجمته للسيد الرئيس
ماتشركناش في حوار معاك لو سمحت August 12, 2009
تصميم جمال مبارك على فتح حوار مع الشباب غريب فعلا
فجمال مبارك يعلم انه لا توجد له اي ارضية في الشارع المصري
و خصوصا بين الشباب
وان مافيش حد فيهم طايقه هو و شلة لجنة السياسات من رجال الاعمال الذين يملكون كل خيرات البلاد
و ايضا شباب ( البدل ) اللي بيظهروا معاه في اعلانات الحزب اللي مش وطني ولا ديموقراطي في وسائل الاعلام
فلا ينفع ان اظهر دائما مرتديا افخم البدلات مع اغنى اغنياء مصر ثم اطلب ان افتح حوار مع شاب لا يملك ثمن ساندوتش طعمية
لأننا لن نفهم بعض ابدا
ده اسمه هبل و عبط
و محاولة فاشلة منه للوصول للناس اللي كارهاه و مش قابلاه
لأنه مش هايعرف يجاوب على اي سؤال من الاسئلة اللي هايتسئلها
جمال مبارك مولود في فمه معلقة دهب
ماجعشي ولا صاعشي في الشوارع
مادخلشي مدارس لا تعرف معنى التربية او التعليم
ماتعبشي وملقاش مستشفى و لو كان لقاها ماكنش هايلاقي فلوس العلاج
ماركبشي مواصلات
ماوقفشي في طوابير
مافيش امين شرطة مالوش لازمة كدره في الشارع
ماصاعشي و قعد على قهاوي علشان مش لاقي شغل بعد الكلية
ماحتاجشي واسطة علشان يجيب رغيف عيش
ماتحرقلوش قريب في مسرح او قطر
ماغرقلوش صاحب و هو طفشان من البلد عايم بين قارة و قارة
عيلته ماضعتش في عبارة
بيت ماتهدش بصخرة جبل وقعت عليه
ماجلوش فشل كلوي من الميه
مامرضشي بالسرطان من الاكل
اي حد في مصر ماحصلوش الكلام ده اصلا المفروض يسحبوا منه الجنسية
دي مواطنته ناقصه كده اصلا
ماخدش ختم النسر
و بعدين ممكن حضرتك توريني محاسب في مصر وصل للي انت وصلتله في سنك ده ولا انشالله كان عنده 100 سنة
وارجوك احترم عقلي وماتفكرش تقنعني ان ده بمجهودك
وان الله لا يضيع اجر من احسن عملا
ومن زرع حصد
والمرتة في قعر الحلة
وكل الامثال دي علشان الحجات دي مش شغالة في مصر
من الاخر انت وصلت لده علشان ابوك رئيس جمهورية
و من غيره كان زمانك هاتبقى لسه محاسب في اي بنك
علشان كل ده مش هاتعرف تجاوب على ولا سؤال حد هايسألهولك
واظن زمانك شفت الاسئلة
واستبعدتها كلها
الا سؤال واحد من ابو بدلة دول بيسألك
ماهو تصورك لمستقبل مصر يا سيادة الرئيس
مما سيجبرني على اصدار اصوات من انفي وفمي
لا ادري ان كان يعاقب عليها القانون
هو الصوت ده صحيح يعاقب عليه القانون؟
يا جيمي والنبي فكك منا
انت هاتكسب انتخبات بالتزوير
زي ما حكومة البلد دي طول عمرها بتعمل
انتوا مش بتشتغلوا علشان مصلحة البلد
كل ده لمصلحتكم الشخصية
30 سنة ماعملتوش فيها حاجة
دانتوا ضيعتوها اكتر
فالو كنت شغاليين للبلد يبقوا سيبوا حد تاني يجرب بقه
لأن اللي ماعرفشي في كل العمر ده مش هايجي دلوقتي و يعرف
من الاخر الناس كارهينك ومش مصدقينك
وانا عارف انك مش مصدق احصائيات الحكومة اللي بتقولك ان الدنيا ربيع و الجو بديع
وان كل اللي بتعمله ده شو و خلاص
ونيتك انك تيجي غصب عنا
ارحل عنا احسنلك
سافر و خد ابوك معاك و روحوا بلد الاكسلانسات
(اهو كلام مسرح الهناجر بتاع ابوك ده اللي مضيعه)
و يعم وعد مني من هاندور وراكوا
بس ارحمونا بقه واخفوا بليز
عارف ان كلامي بقه صريح قوي
بس خلاص مابقاش ليا نفس أألف و اداري
غور يعني من الاخر
***********************
مقالي على مدونات كاتب
فقط اصبحت هذه طبيعة الناس في بلدي July 30, 2009
لم تعد هي المقيدة الوحيدة لحريات البشر
لم تعد هي الخانقة على حياة البشر
لم تعد هي فقط
اصبح الناس لبعضهم مثلها
لم يعد احد يطيق كلمة لشخص اخر
و لو كانت صباح الخير
اركب المترو صباحا قادما الى عملي
انظر من خلف نظارتي الشمسية لأتفحص وجوههم
هي عادة عندي لا اريد التخلص منها
الاحظ انه لا يوجد احد يشبه الاخر
ليس هناك ملامح عامة تجمعنا
ولكن المصري يعرف المصري في اي منطقة اخرى من العالم
يتعرف عليه من و سط الاف و لو كان شعره اصفر و عنيه زرقاء
والاحظ شيء اخر
لا احد يبتسم
لا اقصد الابتسام بشكله
بل ان يكون وجه الناس بشوشا متقبلا للحياة
و لكن وجوههم كلها عابسة حانقة
كارهة للدنيا
اذا تعثر احدهم في قدم الاخر يمكن ان يقتل الاتنان بعضهما في خناقة حامية
لا يصبر احدا على احد
لا احد يريد ان يتكلم مع اخر
ينظرون لبعضهم نظرات تخوين و خوف
لا يأمنون لبعضهم
اذا تعاملت مع اي واحد فيهم تشعر انك قتلت امه
يعاملك بكل حقارة و قرف
يحاول بشتى الطرق ان ينصب عليك حتى لا تنصب عليه
اصل الى عملى حيث يترقب كل (زميل) لزميله كلمة حتى ينقض عليه
يراقب الزملاء – هههههه – بعضهم بكل الطرق حتى يحصلون على خطاء واحد
يبتزون به بعضهم في التعامل
يتمنى الجميع الخطاء للجميع
مع انهم لا يلاحظون ذلك
بل يفعلونه بطيب نيه
نادرا ما يقدر احدنا الاخر
ترى فقط اخطائنا
اما عملنا مهما كان بسيطا
فلا يبصره احد
اهرب بعد العمل بعيدا
خائفا من كل الناس
حتى اقرب الاصدقاء
اخاف ان يسرقني سائق التاكسي
او يبصق لي في طعامي جرسون المطعم
او ينصب علي القهوجي
اتعامل دائما بحذر
حتى مع نفسي
فقد طبع فراعنة مصر على قلوبنا الخوف
فسادهم و سرقاتهم وكفرهم انتقل الى قلوب الناس
تعاملوا بمنطق فرق تسد
فلم يعد احد يقدر ان يحس بأمان عند عمله مع شخص اخر
دائما ما يخشاه
حتى حركات التحرر من الظلم الذي يقتلنا
بعد فترة ليست بقصيرة
تنشق الى حركات تحارب بعضها
قتل فينا الفقر و الجهل و المرض كل شئ
كرهنا في عيشيتنا كما نقول
فقط اصبحت هذه طبيعة الناس في بلدي
و ليس عملي فقط
******************
مقالي على مدونات كاتب
تحية الى رئيس مراجيح مولد النبي في ذكرى الثورة العظيمة July 22, 2009
كنت عارف ان الجرايد و المجلات الحكومية – مش قومية- هاتهلل كالعادة
و اصبح التهليل ممزوج بكثير من التعريص
يحتويه كمية لا بأس بها من الخراء
الذي ينضح من جوانب صفحات المزابل الفكرية
و كان الدليل الذي لا شك فيه هو هذا الغلاف
حيث اصبح الرئيس مبارك حامي حمى يوليوو رئيس مراجيح مولد النبي ( اللي مستني اعرف هايلغوه ولا لأ) ؟؟
و زعيم مباحث الاطفال
و محافظ كفر الشيخ
و كل الحاجات الكبيرة دي
عظم الله شأنه
و رفع قدره
على خازوق كبير
ايه يا جدعان القرف ده
حامي حمى ايه يا معرصين
وجايبنلي صورة المعلم الاكبر للديكتاتورية و هو بيشرب من قلة مع عامة الشعب
زي التلميذ النجيب اللي كل شوية يتصورلنا مع واحد بيشرب شاي من عامة الشعب
بيقلد معلمه في الضحك برضه على عامة الشعب
عامة الشعب اللي بقى واخد فيها و مش ملاحق يقول كفاية
دي الدولة بقت اوسخ من ما كانت وقت الاستعمار
مافيش فساد كان بالطريقة دي ايامها
و لا جوع ولا فقر ولا هم زي دلوقتي
البلد بقت بلاعة كبيرة مليانة صرف صحى و احنا صراصير عايشين على الخرا اللي فيها
ارحمونا بقى من الخرا اللي بتكتبوه شوية
و حسوا ده الاحساس نعمة يا بهايم
قال حامي حمى قال
*** عليكم يا معرصين
ايها القديس … انقذنا July 15, 2009
و في كل موضوع تجد له اكثر من رأي مختلف مثل موضوع ( شهيدة الحجاب) مروة الشربيني, فهناك من اطلق عليها هذا اللقب و يحاول نشره بكل قوة و هناك من يقلل من قيمة لقب ( شهيدة الحجاب) و يرى انه مزايدة لن تصل بنا الا لمزيد من المشاكل و عدم الاستقرار على رأي.
و لكن كعادة الشعب المصري ( الشاذ) دائما في كل شيء استحوذ موضوع واحد على الاهتمام الاكبر من غالبية الشعب المصري و ايضا الاجانب المقيمين في مصر بصورة دائمة و اتفق الجميع على شئ واحد و هو ( لا نريد ان يرحل ابوتريكة).
القديس ابوتريكة كان قد تلقى عرضا خليجيا للعب هناك سيدر عليه و على ناديه الاهلي بالملايين , و عندما نشر هذا الخبر انتفض الشعب و كأن مصر في خطر.
مكالمات تلفونية و رسائل و ايميلات و نداءات من عامة الشعب و قيادات الدولة (لأمير القلوب) ان لا يرحل و يترك مصر في محنتها
فمن سيوفر رغيف العيش غيره
و من سيعالجهم من كل امراض العصر المتوطنة و غير المتوطنة و المستوردة و المعدة محليا غيره
و من سيحررهم من ديكتاتورية سلاطينهم غيره
و من سيعيد مكانتهم العربية و الافريقية غيره
و من سيحل مشاكل الدولة الاقتصادية غيره
و من سيحرر فلسطين و يجمع العرب غيره
و الاهم بالنسبة للمصريين اكثر من كل ما سبق, من سيصعد بنا لكأس العالم غيره؟
ابو تريكة لاعب لم ارى مثله منذ زمن بعيد , ملتزم اخلاقيا و دينيا و هذا ما يداعب وجدان الشعب المصري اكثر من اي شئ, و لكن اختزال الشعب المصري لكل مشاكله في لاعب كرة هو في نهاية اليوم غباء ليس من بعده غباء.و ان كان تم بفعل فاعل
و الفاعل كالعادة هو الحكومة التي نجحت بكل المقاييس ان تشغل وقتنا بعيدا عن مصائبها بكرة القدم
فمنذ (الاشتغالات ) اقصد الانتخابات الرئاسية السابقة و مع بدايات حركة الشارع وجدت الحكومة ضالتها في كرة القدم و حيث وجهت كل طاقتها لجعل المصريين يرون فخر و انتصارات بلادهم في كرة القدم و يغضون البصر عن كل كوارث الحكومة.
فبدات بحصول الاهلي على كأس افريقيا و بعده مصر على كأس الامم في 2006 بتوجيه كل الاعلام في تلك المنطقة و كانت بوادر النجاح عندما غرقت العبارة و على متنها اكثر من الف انسان مصري و نامت مصر يومها فرحا بصعودنا للمباراة النهائية.
و اسمر الدعم للأهلي و للمنتخب للفوز بكل المبارياتو فعلا انشغل الشعب بكرة القدم بعيدا عن سقوط دولتهم في الحضيض .
فحال البلاد يتحرك من سئ الى اسواء.
لم نعد نجد رغيف عيشنا و لا عمل نسكت به انفسنا و مازال القمع و انتهاكات حقوق الانسان في تصاعد مستمر و ترتيبنا على العلم في اكثر الدول فسادا مازال يتصدر الجميع و كل ما يشغلنا هل سيترك ابوتريكة مصر ام لا.
لذا فأن نهاية ما نحن فيه مازالت بعيدة مادمنا سنستمر في الهيافة و السطحية و عدم وضع اولويات لحياتنا او حتى استطاعتنا التفرقة بين الهواية و العمل الجاد او الاهتمامات المصرية التي يبنى عليها وطن.
*************************
مقالي على مدونات كاتب
البث التلفزيوني في جمهورية طرطوريا July 13, 2009
ولم تفلح نداءات ساهر إلى وزير الإرشاد الذي تنصل تماما من الموضوع كأن ونيس ووصلاته وفضائيته ليس تابعة له .. فالرجل مشغول بما هو أهم مثل برنامج “البيض بيضك” ومنافسة قناة “الفطيرة” التي تلاحق طرطوريا بالاتهامات.ولا يهم إن كان الآلاف من سكان الجزيرة يتابعون أنشطة الطاولة والسيجا بشغف غير عادي فهي من وجهة نظر الدكتور ظريف كبير الوزراء مجرد “شوية عيال بتلعب مش فاضيين لهم”، والرجل مشغول تماما ببعض البرامج مثل وزير الإرشاد وعلى رأسها “برنامج الخصخصة”.المهم جاءت أيام وراحت أيام وانتهى الموسم وصار الموسم الجديد على الأبواب والذي ينطلق يوم 21 يوليو الجاري أي بعد أقل من عشرة أيام بكأس السوبر المحلي بين فريق الأحمر وفريق حراس الشاطيء دون أن تحل المشكلة.فونيس رئيس اتحاد الوصلات عرض شراء البطولة مقابل 80 مليون حبة فول سوداني فيما يرفض ساهر بشدة ومعه رؤساء الأندية ومجموعة العظماء السبعة يقودهم تحالف الأحمر والأبيض الذين اختلفا في كل شيء واتفقا على موضوع البث.ساهر جاء بعرض من إحدى الجزر الخارجية للضغط على ونيس دون جدوى مقابل ملايين من حبات السوداني المحمص .. وهنا قام أصحاب المقاهي الفضائية التي اشترت البطولة بأسعار زهيدة بالضغط على ساهر لأنهم خائفين على حقوقهم حتى لا تضيع وسط الزحام.المشكلة الأساسية التي لا يدركها كل هؤلاء أن الفرق الكروية كلها حكومية ومملوكة للجزيرة بشكل أو بآخر والدليل أن رئيس نادي أرسنال طرطوريا بعد أن أقام الدنيا ولم يقعدها بسبب شكواه الخاصة بالمادة 18 سرعان ما سحب شكواه وسكت تماما بعدما تلقى مكالة هاتفية من مسئول كبير في الجزيرة.والأهم أن الوزارتين (الإرشاد والطاولة والسيجا) باتحاداتهما الرياضية والإعلامية جميعهم تحت سيطرة الحكومة والدكتور ظريف .. يعني الموضوع في بيتها وحكومة دولة طرطوريا وحدها هي صاحبة القرار لأنها تملك الفرق والقنوات والاتحادات وتملك أهم شيء وهو إشارة البث وتسمح بخصخصة قطاعات معينة مثل المقاهي الفضائية لكن مع فرض سيطرتها عليها أيضا عند اللزوم وتقرر الاحتفاظ بملكية قطاعات أخرى بما فيها فرق الكرة وكله حسب قوانينها.والسؤال الآن لماذا لا تتدخل رئاسة حكومة طرطوريا للحل أو لفض الاشتباك قبل انطلاق الموسم عقب أقل من 10 أيام ؟ .. الإجابة بالطبع لدى الدكتور ظريف أو من ينوب عنه.مسابقة الحلقة : لماذا تم إطلاق اسم “طرطوريا” على الجزيرة؟أرسل إجابتك الآن ليتم نشرها كل يوم الساعة السابعة قبل برنامج الخصخصة.
عادتنا المصرية .. كل سنة و انت طيب يا باشا July 8, 2009
الاقي الجملة دي
منافي للعادات المصرية
و السؤال اللي شاغل بالي
ما هي هذه العادات المصرية؟
و سيبوني اتكلم من خبرة ال 27 سنة اللي عشتهم
ماليش دعوة بقة بإحنا كنا ايه علشان احنا كنا ايه ده كلام خايب
الدنيا كلها بتقول احنا بقينا ايه
واحنا لسه بنتباهى بحاجات عملناها من 5الاف سنة
ناخدها شوية شوية
من مواقف كلنا بنقابلها طول الوقت في اي حتة ممكن نعرف ايه هي عادتنا المصرية
* راكب الصبح تاكسي من الجداد استنيته لحد ما لقيته علشان اركب بعداد و مايستعبطش كالعادة و اول ما ركبت ماشغلش العداد سبته يمشي يجي نص كيلو و بعديها قلتله :هو العداد مش شغال؟
السواق: اسف يا باشا الواحد لسه ماتعودش عليه اصل انا لسة مستلم العربية دي جديدة امبارح.
انا: الف مبروك يا سيدي
السواق : بقالي 3 ايام يا باشا والله مانمت فيهم طلعوا دين ابونا لحد ماستلمت العربية امبارح بليل
انا: ربنا يسهلك يا سيدي ويباركلك فيها.. و برمي عيني على عداد العربية اصل انا مش خبؤ .
لقيته 5339 كيلومتر.
يعني كداب كيييييييييييييييييييييك
و الموضوع مانتهاش على كده . لما وصلت العداد كان عامل 3جنيه و نص بديله 5 جنيه قللي معلش يا باشا المسامح كريم اصلي ماعيش فكة.
*امبارح ماشي بالعربية في شارع النيل في الجيزة و قدام فرايديز عربية فيها عريس و عروسة وقفت تنزلهم و الشارع اصلا واقف كده كده فا مش فارقة ينزلوا.
و فجاءة انشقت الارض عن امين شرطة ظهر من ظلام الاشجار و وقف قدام العريس و هو بينزل و بيفتح دفتره علشان قال ايه ياخد النمرة قام العريس قاله ثواني و طلع من جيبه فلوس و اداها للأمين اللي قال: الف مبروك يا باشاااااااا و ربنا يتمم بخير و خد نفسه و راح يشوفلوا ضحية جديدة.
*انا باركن دايما تحت الشغل في اسواء منطقة في البلد (وسط البلد) بالعافية كل يوم بعد ما الف 100 مرة لحد ما الاقي باركن .
في مرة جاي اطلع بعد الشغل لقيت واحد واقفلي جنب العربية و مع السلامة يا باشا و نورت
فانا حلقت و جيت امشي لقيته بيخبطلي على باب العربية فجيت واقف .
انا : نعم يا سيدي
البيه: اجرة الموقف يا باشا
انا: موقف ايه؟
البيه: انت مش كنت راكن يا باشا
انا: اه راكن.. بس عايز اجرة لأيه بالضبط؟؟ انت ركنتني؟
البيه : لأ
انا : طب طلعتني؟
البيه : لأ
انا : طب حتى رميت فوطة على العربية و مسحتها؟
البيه : هو كده يعني؟؟ بالسلامة يا باشا
تاني يوم نازل من الشغل لقيت العربية مخبوطة
*ماشي في حالي جاي من اسكندرية الاقيلك لجنة واقفة
الامين دخلى من الشباك: رخصك يا باشا
انا: ليه يا سيدي
الامين : عديت السرعة يا باشا
وهو بيقول البق ده كنت بطلع الرخص من المحفظة فاشاف الفلوس فيها
وقام قال كلمة السر المصرية التي بتفتح كل الابواب
(كل سنة و انت طيب يا باشا)
ظرفته 20 جنيه و خدت رخصي و مشيت
* معلش يبدوا ان الظباط حكايتهم كتيرة معايا
كالعادة كنت ماشي بالعربية و معايا صاحبتي و 2 صحباتها رايح اوصلهم البيت
و صاحبتي و البنتين اجانب مش مصريين و التلاتة غير موضوع الصداقة تربطني بهم علاقة عمل.
ظابط الكمين : رخصك و اركن
ركنت و رحتله
انا: نعم يا فندم
الظابط: عربيتك دي يا استاذ محمد
انا : ايوه
الظابط : و مين اللي معاك دول؟
انا : و سيتك بتسأل عليهم ليه؟ مش رخصي سليمة؟
الظابط : يا عم تعالى على نفسك و قوللي
انا و انا باجي على نفسي: زمايلي في الشغل
الظابط بكل بجاحة و هو بيغمزلي عنيه في اشارة واضحة: شغل؟؟
انا : انا ماسمحلكش تكلمني بالطريقةدي ..دي حاجة ماتخصكش …ليك رخصك ما دام سليمة ترجعلي فيها مشكلة تسحبها و تديني الوصل بكل ادب و نخلص من الموضوع.
الظابط : انت ليه اخدت الموضوع كده انا بسألك عادي ( وعامل نفسه قفش يعني) على العموم رخصتك بتقول انك بتلبس نضارة. فين نضارتك؟
انا : انا عملت عملية و لسه ماغيرتش الرخصة
الظابط : يبقى اسحبها يا بيه
انا : ليك الحق طبعا و انا برضه ليا الحق اتصل بالنجدة و اعملك محضر تحرش بالاجانب اللي معايا و هما يبلغوا سفارتهم اللي انت واقف على مدخلها دلوقتي
الظابط : اتفضل رخصك .. بالسلامة يا باشا
ممكن نستنتج من الحادثتين دول حبة عادات و تقاليد من اللي انا بشفهم كل يوم و اكيد و انت بتقرا اللي كتبته افتكرت مليون موضوع زيهم و اوسخ منهم حصلولك .
العادات اللي بشوفها كل يوم في الشارع هي الكذب و النصب و الشحاتة و البلطجة و الفهلوة و الصياعة و قلة الادب و استغلال السلظة و الجبن و الخوف و السرقة .
و ان دل ده على حاجة فأنه يدل على ان كل المصايب اللي بتحصل دلوقتي مش منافية لعادتنا المصرية ولا حاجة
دي مطابقة لعاداتنا المصرية بالضبط
الشهامة و الصدق و الطيبة و الجدعنة و الكلام الفاكس ده مابشفهوش الا في الافلام القديمة بس
ده حتى الافلام الجديدة مابقاش فيها الا اللي انا قلته و الامثلة قدامكم كلكم.
في البوست الجاي هاكتب مواقفي مع الاخوة (المتدينين) و كمان ناس في الشارع تانين لحد ما اوصل لعادتنا المصرية العريقة كمان هاحاول اعرف دي عادتنا ليه و اللي عنده كلمتين يقولهم الكومنتس مفتوحة للجميع.
ادي يا رجالة النجدة بتاعت مصر July 2, 2009
اللي حصل ان و احنا مستنيين في النقطة البشوات ياخدوا اذن يعملولنا محضر اثبات حالة
وائل اتصل بالنجدة علشان يبلغهم ان النقطة مش عايزة تعملنا محضر
بعد ما طلبنا نعمل المحضر بساعة كاملة
و طبعا بعد المزيكا الظريفة ردوا عليه و بعد كده حلقوا و ماجوش
ده زائد ان دي ماكنتشي اول مرة يكلمهم
دي كانت المرة الرابعة اليوم ده
علشان كده قلتله نسجل المكالمة دي كمان
وادي التسجيل اهوه
بتاريخ 30 يونيه 2009
الساعة 5:32 مساءا
يعني بعد ساعة من دخولنا النقطة
